Аҧсны Аҳәынҭқарра Ахада

 

Апрокурор хада, Аҩныҵҟатәи аусқәа рминистр, Аҳәынҭқарратә шәарҭадара амаҵзура Ахантәаҩы злахәыз аилацәажәара

15.07.2019

Аҧсны Аҳәынҭқарра Ахада Рауль Ҳаџьымба Апрокурор хада Зураб Ачба, Аҩныҵҟатәи аусқәа рминистр Гарри Аршба, Аҳәынҭқарратә шәарҭадара амаҵзура Ахантәаҩы Зураб Маан злахәыз аилацәажәара мҩаҧигеит.

«Шәареи сареи изныкымкәа ҳаиқәшәахьеит ҳуаажәларра ргәы иҵхо азҵаарақәа рзы. Имҩаҧысыз ахҭысқәа, а-Кәыҵниа ҷкәын ишьра, иара убас Аҩныҵҟатәи аусқәа рминистрра ахыбраҟны иаанкылаз а-Ҭарба иеилкаам аҭагылаазашьақәа ирыхҟьаны иҧсҭазаара иалҵра инарымаданы аилацәажәара мҩаҧаҳгахьеит, излауаз ала ҕәҕәала иазгәаҳҭеит обиективла аусҭҵаарақәа мҩаҧганы, арҭ ацәгьоурақәа рзы ахара зду дызусҭазаалак иахьырхәразы иақәнагоу аҭагылазаашьақәа раҧҵаразы.
Аҳәара ҟасҵоит, Панцулаиа иганахьала агәҩара ззыҟоу ауаа Аҧсны адгьылҵакырахь раагаразы жәлабжьаратәи аусеицура аҳәаақәа ирҭагӡаны аусура ишахәҭоу амҩаҧгаразы.
Аҩныҵҟатәи аусқәа рминистрраҟны иҟоу аҭагылазаашьазы Апрокуратура хада уажәаҧхьа шәаргьы ҳаргьы иазгәаҳҭаз аусура мҩаҧнагароуп, уи алҵшәа ҳуаажәларра ирдырыртә иҟаҵатәуп. Ахара зду азакәан ишаҳәо ала иқәнагоу дақәшәароуп.
Апрокурор хада, Аҩныҵҟатәи аусқәа рминистр инадыркны, Мерцхәылаа имҵарсра инамаданы аусҭҵаара иалахәу зегьы рнапы иану аусмҩаҧгатәқәа аҵыхәанӡа инагазароуп. Изхароу аҭакҧхықәра идҵатәуп. Аус здышәулаша, иҟаҵатәны шәнапы иану маҷӡам», - иҳәеит аҳәынҭқарра Ахада.
Аҩныҵҟатәи аусқәа рминистр Гарри Аршба имҩаҧгоу аусура атәы далацәажәеит:
«Иҟасҵаз адҵала амаҵзуратә гәаҭара мҩаҧган. Иеизгоу аматериал Аҟәа ақалақь апрокуратурахь ишьҭуп иҟалаз ахҭыс аҵакы инақәыршәаны аӡбамҭа адкыларазы. Хымҧада ишьақәыргылахоит Ҭарба иҧсҭазаара иалҵра зыхҟьаз аҭагылазаашьақәа зегьы. Амилициа аусзуҩцәа рыҟнытә амчмырхара, амаҵзуратә зинмчқәа рхыҧара, амаҵзуратә цәгьоурақәа рзы закәанла ахьырхәра ҟалоит, иҳалшо зегьы ҟаҳҵалоит аҭыҧ змаз афактқәа зегьы рышьақәыргыларазы. Ҳазҭагылоу аамҭазы Аҟәа ақалақь Апрокуратура ашьаус хацнаркит ашьаустә ҧшаара аусбарҭа амаҵзуҩы иганахьала. Абри ашьаус аҟны иарбоу аусзуҩцәа зегьы иҟасҵаз адҵала рмаҵзурақәа ирымхуп. Ҳазҭагылоу аамҭазы иақәнагоу аусмҩаҧгатәқәа зегьы рынагӡара ҳаҿуп, хықәкыла Апрокуратуреи ҳареи аусура еицымҩаҧаҳгоит аус иадҳәалоу аҭагылазаашьақәа зегьы рыҭҵааразы.
Атәылауаҩ Кәыҵниа ишьра афакти аҩбатәи а-Кәыҵниа ишьра аҽазышәареи рзы имҩаҧгоуп аоперативтә-ҧшааратә усмҩаҧгатәқәа, аусмҩаҧгатәқәа Аҳәынҭқарратә шәарҭадара амаҵзура алархәны имҩаҧган. Ишьақәыргылан хаҭала ари ацәгьоура ҟазҵаз ахаҿқәа. Урҭ аишьцәа Ҧанцулаиаа роуп. Иахьа иара убас Аҳәынҭқарратә шәарҭадара амаҵзура алархәны аусмҩаҧгатәқәа рынагӡара иаҿуп урҭ ахьыҟоу аҭыҧ ашьақәыргыларазы. Иҳамоу аоперативтә информациа ала, дара аҧсны-урыстәылатәи аҳәаа иахысит, аҳәаа излахысыз атранспорт шьақәыргылахоит».
Апрокурор хада Зураб Ачба адырра ҟаиҵеит аусбарҭа имҩаҧнагаз аусура азы:
«Ҭарба ишьра афакт азы ашьаус хацыркуп, ахәҭаҷ 288, ахәҭа 3 ала. Ари амч ахархәарала амаҵзуратә зинмчқәа рхыҧара ауп иаанаго. Аусҭҵаара мҩаҧнагоит Аҟәа ақалақь Апрокуратура. Ҳазҭагылоу аамҭазы абри ацәгьоура иалахәу ахаҿқәа зегьы рмаҵзурақәа ирымхуп. Ари ацәгьоура иалахәу зегьы рмаҵзуратә цәгьоуроуп ҳәа иҧхьаӡоуп. Хаҭа-хаҭала зегьы рус аҭҵаарала рхара шьақәыргыланы, ауаажәларра рҟынӡа инагахоит».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT