Ахада апрофессионалтә бокс азы Жәларбжьаратәи атурнир «Аԥсны аҳәынҭқарра акубок» даҭааит

Ахада апрофессионалтә бокс азы Жәларбжьаратәи атурнир «Аԥсны аҳәынҭқарра акубок» даҭааит

Ԥхынгәымза 13 рзы  Аԥсны Аҳәынҭқарра Ахада Рауль Ҳаџьымба апрофессионалтә бокс азы Жәларбжьаратәи атурнир «Аԥсны аҳәынҭқарра акубок» даҭааит.

Атурнир иалахәын быжь-тәылак рҟынтә аспортсменцәа.  Аицлабра аҳәаақәа ирҭагӡаны имҩаԥысит 11 регламенттә қәԥара. Апрофессионалтә бокс азы Аԥсны Ачемпион ҳәа ахьӡ аҧсахаразы атитултә қәԥараҟны аиааира ргеитАсҭамыр Еныкьи Енвер Бзагоеи.  Атурнир аҳамҭа хада «Аԥсны Аҳәынҭқарра акубок» даԥсахеит Иосиф Занҭариа.Аиааира згаз аспортсменцәа атурнир аиҿкааҩцәеи Аҳәынҭқарра Ахадеи иҭабуп ҳәа рарҳәеит иҟарҵаз адгыларазы.

Ахада Рауль Ҳаџьымба аусмҩаҧгатә алахәцәеи аиҿкааҩцәеи дрыдныҳәалеит:

«Аԥсны раҧхьаӡакәны аҵак ду змоу хҭысны имҩаԥысит абокс иазку аицлабра. Ари аҩыза  аусмҩаԥгатә еиҿызкааз зегьы ишәыдысныҳәалар сҭахуп.  Ахҭыс алахәцәа, аспортсменцәа, аӡбаҩцәа, ҳасасцәа зегьы ақәҿиарақәа шәзеиӷьасшьоит».

7F5A3780 (Копировать).JPGA65A7003 (Копировать).JPGA65A7388 (Копировать).JPGA65A7430 (Копировать).JPG


Возврат к списку