Аҧсны Аҳәынҭқарра Ахада

 

Аҧсны Аҳәынҭқарра араионқәа ирыҭоуп Аинвестициатә программа ахарџь ала иааз автобусқәа

18.06.2019

 Аҧсны Аҳәынҭқарра араионқәа ирыҭоуп Аинвестициатә программа ахарџь ала иааз автобусқәа


Рашәарамза 18 рзы имҩаҧысит Аҧсны Аҳәынҭқарра араионқәа Асоциалтә-економикатә ҿиара ацхрааразы аинвестициатә программа инақәыршәаны иааз автобусқәа рыҭара.
Ари аусмҩаҧгатә далахәын Аҧсны Аҳәынҭқарра Ахада Рауль Ҳаџьымба.

Аҧыза-министр Валери Бганба иҳәеит ҳазҭагылоу аамҭазы ишааз 20 автобус, урҭ рахьтә 5 Гагра араион ахь ишдәықәҵахо, 5 – Гәдоуҭа араион, 5 – Аҟәа ақалақь, 3 – Тҟәарчал, Очамчыра араион ахь - акы, даҽакы Аҧснытәи аҳәынҭқарратә университет ишаҭахо. Ирзыҧшуп еиҭа 13 автобус, урҭ Аҟәа ақалақь иаҭахоит.

Ҧхынгәымза алагамҭазы иаараны иҟоуп 15 автобус ашколқәа рзы, 14 ақыҭа автобусқәа. Гал араион иаҭахоит автобусқәа хҧа.
Ахада ари апрограмма аҳәынҭқарразы иамоу аҵакы дахцәажәеит: 

«Иҟаз автобусктә парк, шамахамзар, иажәит, уи рҿыцтәын. Автобусқәа ҳҭахуп ҳауаажәлар рымҩангаразы, атуристцәа рзы. Ҳара туристтә тәыланы ҳазлаҟоу ала, автобусқәа ари аусхк аҿы даара иаҭахуп».

Афон ҿыц ахада Фелиқс Дауҭиа иазгәеиҭеит Афон ҿыц ауааҧсыра рзы акыр ишаҧсоу арҭ автобусқәа:
«Ҳара ҳхатәы автобусқәа ҳамаӡамызт, ашколқәа рызгьы ақалақь азгьы. Ақалақьуаа рыхьӡала иҭабуп ҳәа расҳәоит ари азҵаара аӡбара знапы алакыз».

Иажәыз автотранспорт аҧсахра шаҭахыз атәы рҳәеит автобусқәа рныҟәцаҩцәагьы.

«Иахьа уажәраанӡа Икарус автобусқәа рыла ҳныҟәон, дара 40 шықәса инарзынаҧшуа ирхыҵуеит, ишәымдыруеи ажәытә транспорт ахәҭақәа рыҧшаара шаҟа иуадаҩу. Сара сытҟәарчалтәуп, ақалақь хараны иҟоуп, даара автобусқәа ҳҭахын», – иҳәеит автобус аныҟәцаҩ Гәурам Какоба.
1.jpg
A65A9841.JPG
A65A9794.JPG


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT