Ахада инапы аҵаиҩит Анатоли Бибилов «Аҧсны Аҳәынҭқарра ҳаҭыр зқәу атәылауаҩ» ҳәа ахьӡ ихҵаразы Аусҧҟа

Аҧсны Аҳәынҭқарра Ахада Рауль Ҳаџьымба инапы аҵаиҩит Алада Уаҧстәыла Ахада Анатоли Бибилов «Аҧсны Аҳәынҭқарра ҳаҭыр зқәу атәылауаҩ» ҳәа ахьӡ ихҵаразы Аусҧҟа.

Аусҧҟа атекст аҟны, ҷыдала, иҳәоуп:

«Аҧсны-уаҧстәылатәи аҳәынҭқаррабжьаратә еизыҟазаашьақәа рырҿиараҟны хаҭалатәи илагаламҭазы, Нхыҵкавказтәи арегион аҟны аҭынчреи аҭышәынтәалареи рырҕәҕәаразы Бибилов Анатоли Илиа-иҧа «Аҧсны Аҳәынҭқарра ҳаҭыр зқәу атәылауаҩ» ҳәа ахьӡ ихҵазааит».


Возврат к списку