Аҧсны Аҳәынҭқарра Ахада

 

Ахада Апарламент аҟны иахәаҧшразы ирыдигалеит Аҧсны Аҳәынҭқарра Аконституциатә закәан аҧсахрақәа ралагаларазы Азакәан апроект

22.05.2019

Аҧсны Аҳәынҭқарра Ахада Рауль Ҳаџьымба Апарламент аҟны иахәаҧшразы ирыдигалеит «Аҧсны Аҳәынҭқарра Ахада иалхрақәа рзы» Аҧсны Аҳәынҭқарра Аконституциатә закәан аҧсахрақәа ралагаларазы Азакәан апроект.

Азакәан апроект иазҧхьагәанаҭоит «Аҧсны Аҳәынҭқарра Ахада иалхрақәа рзы» Аҧсны Аҳәынҭқарра Аконституциатә закәан ахәҭаҷ 6 ахәҭа 1 аҧсахрақәа ралагалара.

Аус зуа Аконституциатә закәан ахәҭаҷ 6 аредакциа иаҳәоит алхрақәа мҩаҧысуеит ҳәа Аҧсны Аҳәынҭқарра Ахада изинмчқәа рыҿҳәара анҵәара хымз шагу мамзаргьы ҩымз ирхыгамкәа.

Ицәыргоу Аконституциатә закәан апроект иазҧхьагәанаҭоит Ахада изинмчқәа рыҿҳәара нҵәаанӡа алхрақәа рымҩаҧгаразы иазыҧҵәоу аҿҳәара ҩымз рыҟнытә мызкы аҟынӡа аркьаҿра.

Аҧсны Аҳәынҭқарра Аконституциа ахәҭаҷ 49 инақәыршәаны Аҧсны Аҳәынҭқарра Ахада далххоит 5 шықәса ҳәа. Изинмчқәа рыҿҳәара аҧхьаӡара иалагоит аҭоуба адкылара аныҟала инаркны. Аус зуа Ахада имаҵура ааникылеит 2014 шықәса цәыббрамза 25 рзы, изинмчқәа рыҿҳәара нҵәоит 2019 шықәса цәыббрамза 25 рзы.  

Алхрақәа рымҩаҧгара аҿҳәара (арыцхә) Конституциала ишьақәыргылахаӡом. Азакәан хада ахәҭаҷ 50 иашьашәалоу аконституциатә закәан ахь ухьанарҧшуеит.

Иарбоу аҧсахрақәа рыдкылара Аҧсны Жәлар Реизара азинмчқәа рнаҭоит аконституциатә нормақәа рҳәаа иҭагӡаны имҩаҧысраны иҟоу Ахада иалхрақәа ррыцхә 2019 шықәса нанҳәамза 25 рзы ҳәа рышьақәыргыларазы.

 



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT