Аҧсны Аҳәынҭқарра Ахада

 

Ахада аоппозициатә мчқәа рхаҭарнакцәа идикылеит

21.05.2019

Лаҵарамза 21 рзы Аҧсны Аҳәынҭқарра Ахада Рауль Ҳаџьымба аоппозициатә мчқәа рхаҭарнакцәа Нодар Какәбаа, Ҭемур Хышба, Сергеи Шамба идикылеит.

Аоппозициатә мчқәа рхаҭарнакцәа рҧылара иалахәын Атәылахьчара аминистр Мираб Қьишьмариеи Ахада Иадминистрациа Актәи ихаҭыҧуаҩ Дмитри Шамбеи.

Аҳәынҭқарра Ахада аоппозициа ахаҭарнакцәа ирыдигалеит ахада иалхрақәа Аконституциа аҳәаақәа ирҭагӡаны иарбоу аҿҳәареи аус зуа Ахада иконституциатә зинмчқәа рыҿҳәареи - 2019 ш. нанҳәамза 25 рахь аиагара азҵаара ахәаҧшра.
Аиҧылараан Рауль Ҳаџьымба иазгәеиҭеит Алхратә комиссиа хада Аслан Бжьаниа дыҟамкәа Ахадарахьы акандидат иаҳасабала иҭаҩра алшоит ҳәа, иара убас аҳәынҭқарратә бызшәа адырразы Ахадарахьы акандидатцәа рҧышәара здызкыло ААК аҟны иҟоу акомиссиа А. Бжьаниа 2014 шықәсазы ииҭиз аҧышәара алҵшәақәа азшьара алшоит ҳәа ирыҧхьаӡар, иара адгылара шаиҭо атәы.

Аоппозициа ахаҭарнакцәа арҭ ажәалагалақәа рыдыркылеит.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT