Аҧсны Аҳәынҭқарра Ахада

 

Ахада Урыстәылатәи шьаҭанкылатәи аҭҵаарақәа рфонд ахеилак Ахантәаҩы Владислав Панченко дидикылеит

17.05.2019

Ахада Урыстәылатәи шьаҭанкылатәи аҭҵаарақәа рфонд ахеилак Ахантәаҩы Владислав Панченко дидикылеит

Лаҵарамза 17 рзы Аҧсны Аҳәынҭқарра Ахада Рауль Ҳаџьымба Урыстәылатәи шьаҭанкылатәи аҭҵаарақәа рфонд ахеилак Ахантәаҩы Владислав Панченко дидикылеит.

Ари аҧхьа лаҵарамза 17 рзы Аҧсны Аҭҵаарадыррақәа ракадемиеи Урыстәылатәи шьаҭанкылатәи аҭҵаарақәа рфонди рыбжьара аусеицуразы аиқәшаҳаҭра иаҵаҩын.

Аҳәынҭқарра Ахада асасцәа аҧсшәа реиҳәеит:

«Бзиала шәаабеит ҳәа шәаҳҳәоит Аҧсны. Ҳара аҭҵаарадырратә уаажәларра аҿиареи аимадара арҕәҕәареи адгылара аҳҭоит. Урҭ ҳара ҳзы аҵак ду рымоуп, ҧасатәи аҭҵаарадырратә еиҿцаарақәа, Асовет аамҭа аахыс Аҧсны иҟоу абаза ҳасаб азуны. Аусеицуразы алшара ахьыҟоу ахырхарҭақәа рыҟны аимадара ҳабжьазар ҳҭахуп».

Владислав Панченко Ахада иҭабуп ҳәа иеиҳәеит иҟаиҵаз адкыларазы:

«Ҳара арҭ ашықәсқәа зегьы иҳабжьоу аимадара аиқәырхара ҳашьҭан. Жәашықәса раахыс аусура ҳаҿуп. Иҟоуп аихьӡарақәа, урҭ Афизико-техникатә институт иадҳәалоуп. Адгылара раҳҭеит 53 зеиҧш проект. Атәылаҟны иҟоуп аинтллектуалтә лшара, ари даара акраҵанакуеит. Ауаа аҭҵаарадырра рнапы алакызар рҭахуп, уи алҵшәа аиуеит, ҳәарада. Иҭабуп ҳәа шәасҳәар сҭахын Шәара ари аусура хкы адгылара ахьашәҭо».

Аҧсны Аҭҵаарадыррақәа ракадемиа Зураб Џьапуа иазгәеиҭеит изҵаҩу аусеицуразы аиқәшаҳаҭра аҵак ду.

«Иацҵаны исҳәарц сҭахуп, хаҭала ҳреспублика Ахада шиакәу Аҧсны аҵарауаа ҿарацәа рзы агранттә дгылара хацзыркыз. Ари ҳара даара ҳгәы шьҭнахит, ҳгәыҕуеит уи иацҵахоит ҳәагьы. Владислав Иаков-иҧа Аҧсныҟа иаара ҳара ҳзы акраҵанакуеит. Урыстәылатәи Агуманитартә ҭҵаарақәа ргуманитратә фонд ҳара адунеитә ҩаӡара змоу аимадарақәа рахь ацәырҵразы алшара ҳнаҭоит», - иҳәеит Зураб Џьапуа.

Аиҧылара ахыркәшамҭаз агәаларшәагатә ҳамҭақәа реимдара мҩаҧысит.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT