Анатоли Бибилов Рауль Ҳаџьымба Аџьынџьтәылатә еибашьра ду аҟны Аиааира Амш идиныҳәалеит

Лаҵармза 9 рзы Алада Уаҧстәыла Ахада Анатоли Бибилов Аҧсны Аҳәынҭқарра Ахада Рауль Ҳаџьымба Аџьынџьтәылатә еибашьра ду аҟны Аиааира Амш идиныҳәалеит.

Адныҳәалара атекст аҟны, ҷыдала иҳәоуп:

«Гәык-ҧсык ала ишәыдысныҳәалоит Аџьынџьтәылатә еибашьраҟны Аиааира 74 шықәса ахыҵра Амш.
Афашизм цҟьашәҟьа иқәҵаны, ҳабацәеи ҳабдуцәеи еизҳауа абиҧарақәа ҳамҭас ирырҭеит аҭынчра, аҭынч ҧсҭазаараҟны анхареи, рхы иақәиҭны ахәыҷқәа рааӡареи, рырҿиареи рзы аҭагылазаашьа.
Иага шықәса царгьы, Аиааира ҳзаазгаз ҳажәларқәа рфырхаҵара, рыгәаӷьра, рдоуҳамч, рпатриотизмра ирҿахәҳәаганы иаанхоит.
Аҵак ду змоу абри амш аҽны, ҳаҭыр зқәу Рауль Џьумка-иҧа, ишәзеиӷьасшьоит агәабзиара, аихьӡарақәа, Аҧсны жәлар зегьы - аҭынчра, аизҳазыӷьа!».


Возврат к списку