Аҧсны Аҳәынҭқарра Ахада

 

Ахада Аџьынџьтәылатә еибашьра ду аветеранцәа дырҧылеит

09.05.2019

Ахада Аџьынџьтәылатә еибашьра ду аветеранцәа дырҧылеит

Лаҵарамза 9 рзы Аҧсны Аҳәынҭқарра Ахада Рауль Ҳаџьымба 1941-1945 шш. Аџьынџьтәылатә еибашьра ду аветеранцәа дырҧылеит.

Аҳәынҭқарра Ахада аветеранцәа иҭабуп ҳәа раҳәаны Аиааира Амш рыдиныҳәалеит:

   «Акыр иаҧсоу ҳветеранцәа! Агәахәара ду снаҭоит шәыдныҳәаларазы алшара ахьсымоу адунеиаҿ аҵак-ҷыда змоу Аиааира Ду Амш! Аҭоурых аҿы ииашаны иазгәарҭахьеит Германиатәи афашизм аилаҧыххаараҿы Аҧсны жәлар иаадырҧшыз афырхаҵара атәы. Зықьҩыла Аҧсны аҵеицәа нагақәа хьаҵрак ҟамҵакәа иеибашьуан Аџьынџьтәылатә еибашьра Дуӡӡа афронт хадақәа рҿы. Урҭ рыгәҭа шәгылан шәара, шәхы шәамеигӡеит аҭынчреи аҧсҭазаареи реиқәырхаразы! Хашҭра ақәым Кавказтәи ашьхақәа рҿы Аҧсны ахьчаҩцәа иаадырҧшыз агәымшәара! Ҳаҭырқәҵара дула ирыдыркылоит ҳажәлар шәара шәпатриоизм ҳаракы, шәџьабаа, бираҟҵас жәашықәсала ишьҭыхны иаажәго Ҳаҧсадгьыл ашҟа абзиабара ду! Иҭабуп ҳәа шәаҳҳәоит иаашәырҧшуа ачҳареи, агәамчи, аиаша азықәҧареи рзы! Изызҳауа аҿар идшәырбо аҿырҧшы бзиақәа рзы! Ицқьазааит наунагӡа ажәҩан Аҧсынтәыла, иҵегь иҕәҕәахааит уи амч-алша, амҽхак! 

Даҽазныкгьы Аиааира ду Амш  шәыдысныҳәалоит, акыр иаҧсоу аветеранцәа! Гәык-ҧсыкала ишәзеиҕьасшьоит агәамч ҕәҕәа, аныҳәатә гәалаҟазара бзиа! Нагӡара ақәзааит Аиааира Ду Амш». 

Аџьынџьтәылатә еибашьра ду аветеранцәа рреспубликатә хеилак ахантәаҩы Алықьса Шьониа ветаветеранцәеи Аҧсны жәлари Аиааира Амш рыдиныҳәалоит:

«Аветеранцәа зегьы ирыдысныҳәалоит Аџьынџьтәылатә еибашьра ду аҟны Аиааира 74 шықәса ахыҵра. Аибашьра иалҵыз зегьы ирзеиҕьасшьоит агәабзиара, анасыҧ. Рыхьӡ кашәара ақәымзааит ахақәиҭра зхы ақәызҵаз зегьы. Аҧсны абзиарақәа анцәа иҟаиҵааит».

Аџьынџьтәылатә еибашьра ду аветеран Нонна Дорофеева Аҧсны иқәынхо ауааҧсыра зегьы ирзеиҕьалшьеит агәабзиара, анасыҧ:

«Зегь иреиҳаны иҟоу - иахьа ажәҩан цқьоуп, аҭынч ҧсҭазаара ҳамоуп. Агәабзиара шәымазааит, ҳветеранцәа! Иҭабуп ҳазгәалашәо зегьы».  

 Аџьынџьтәылатә еибашьра ду аветеран Валентина Шульгина зегьы ирзеиҕьалшьеит аҭынчра, аизҳазыҕьара:

«Аиааира Амш азгәаҭо иҭахаз ҳаҭырла иаҳгәалаҳаршәоит, ҳабацәа, ҳабдуцәа, иаҳзааигәоу, бзиа иаҳбо зегьы рзы аныҳәаҿақәа аанаҳкылап. Зегьы рзы иҭабуп ҳәа шәасҳәоит».


6.jpg

4.JPGгәалаҟара бзиа! Нагӡара ақәзааит Аиааира Ду Амш». »


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT