Аҧсны Аҳәынҭқарра Ахада

 

Ахада Иури Воронов иҳаҭгәын амҵан ашәҭқәа шьҭеиҵеит

08.05.2019

Ахада Иури Воронов иҳаҭгәын амҵан ашәҭқәа шьҭеиҵеит

Лаҵарамза 8 рзы Аҧсны Аҳəынҭқарра Ахада Рауль Ҳаџьымба ихы алаирхəит иналукааша аҳәынҭқарратә усзуҩы, аҵарауаҩ ду Иури Николаи-иҧа Воронов Аҧснытəи аҳəынҭқарратə музеи аҧхьа, иҳаҭгəын аҿы ашəҭшьҭаҵара иазкыз аусмҩаҧгатə.

Ашəҭшьҭаҵара ацеремониа иалахəын Аҧсны Аҳəынҭқарраҿы иҟоу Урыстəылатəи Афедерациа Ацҳаражəҳəаҩ Алеқсеи Двинианин, Аҧыза-аминистр Валери Бганба, Аиҳабыра ахаҭарнакцəа, аҭҵаарадырратə усзуҩцəа, ашколхәыҷқәа.

Иури Воронов диит 1941 шықəса лаҵарамза 8 рзы Гəылрыҧшь араион Ҵабал ақыҭан.

Иури Николаи-иҧа Воронов – иналукааша аҵарауаҩ-кавказҭҵааҩ, Аҧсны аҳəынҭқарратə усзуҩ, амилаҭ-хақəиҭратə қəҧара аҧхьагылаҩцәа дыруаӡəкуп.   Аҧсны Аџьынџьтəылатə еибашьра ашықәсқәа раан Урыстəылатəи Амассатə информациа ахархəага хадақəа рыла аибашьра иазкыз аинформациа иаша адунеи иалаирҵəон. Изныкымкəа аиҿцəажəаратə процесс далахәын. Аус иуан азакəанҧҵаратəи анагӡаратəи мчрақəа рсистемаҟны. 1995 шықəса цəыббрамза 11 рзы Иури Воронов ацəгьоуцəа еихсны дыршьит иҩны ашəхымс аҟны. Анышə дамадоуп Аҟəа ақалақь аҟны Аҧснытəи аҳəынҭқарратə музеи аҧхьа. Иара ихьӡ рхуп Аҟəеи Тҟəарчали ашколқəа, аҳҭнықалақь амҩадуқəа руак. Иури Воронов ианашьоуп „Ахьӡ-Аҧша“ аорден актəи аҩаӡара (даныҧсы ашьҭахь), иара убас аиҳабыратə ҳамҭақəа жəпакы.

A65A0711.JPG

A65A0820.JPG


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT