Шереметиево аҳаирбаҕәазаҟны иҟалаз арыцҳара иахҟьаны ауаа рҭахара инамаданы Владимир Путин идышшылара

Аҧсны Аҳәынҭқарра Ахада Рауль Ҳаџьымба Шереметиево аҳаирбаҕәазаҟны иҟалаз арыцҳара иахҟьаны ауаа рҭахара инамаданы Урыстәылатәи Афедерациа Ахада Владимир Путин дидышшылеит.

Адышшылара атекст аҟны, ҷыдала, иҳәоуп:

«Гәалсра дула сшәыдышшылоит Шереметиево аҳаирбаҕәазаҟны SSJ-100 аҳаиплан аҭахара инамаданы.

Лахьеиқәрала иҳадаҳкылеит арыцҳара иҟалаз иахҟьаны ауаа рҭахаразы иҳалаҩыз ажәабжь.

Аҧсны жәлар рыхьӡала, хаҭала сара сҟынтә ҳрыдышшылоит, рхьаа рыцеиҩаҳшоит ари авиакатастрофаҟны зыуацәа, зҭынхацәа ҭахаз».

 




Возврат к списку