Аҧсны Аҳәынҭқарра Ахада

 

Ахада аилацәажәара мҩаҧигеит Аҧсны Аџьынџьтәылатә еибашьра Аинвалидцәа рассоциациа алархәны

03.05.2019

Ахада аилацәажәара мҩаҧигеит Аҧсны Аџьынџьтәылатә еибашьра Аинвалидцәа рассоциациа алархәны

Лаҵарамза 3 рзы Аҧсны Аҳәынҭқарра  Ахада аилацәажәара мҩаҧигеит  1992-1993ш.ш. Аҧсны Аџьынџьтәылатә еибашьра Аинвалидцәа рассоциациа алархәны.

Агәабзиарахьчара аминистр аизара иалахәыз адырра риҭеит, ҳазҭоу амза иалагӡаны аҭыҧантәи апротезҟаҵаҩцәа иҿыцу атехнологиақәа дырҵаразы Германиа Афедеративтә Республикаҟнытә апротезҟаҵара аусхк аҟны аус зуа аспециалистцәа Аҧсныҟа раагара аиҿкаара ишалаго азы. 
Аиҧылараҟны ирзааҭгылан мцыла еибыҭоу адокументқәеи ашаҳаҭцәа рарбагақәеи рыла изыхәҭамкәа атәанчахәы зауа ауаа раарҧшразы уснагӡатәқәас имҩаҧгатәу. Атәылахьчара аминистрра архив аусзуҩцәа рыла иаарҧшуп Аҧсны Аџьынџьтәылатә еибашьра аинвалидцәа рсиаҿы ихаҭәаам аинформациа ахьыҟоу аҭагылазаашьақәа. Аџьынџьтәылатә еибашьра аинвалидцәа аҭыҧантәи реиҿкаарақәа ирымоу асиақәа рыла арбагақәа еиҭагәарҭоит.

Иара убас аилацәажәараҟны иҷыдоу араионтә аҧтекақәа зыда-ҧсыхәа ыҟам ахәшәқәа рыла реиқәыршәареи Аџьынџьтәылатә еибашьра аинвалидцәа аҭыҧантәи реиҿкаарақәа ирымоу аматериалтә - техникатә уадаҩрақәа рыӡбараҟны адгылара рыҭареи рзы афинанстә лшарақәа рыҧшаара азҵаарақәагьы ирылацәажәеит.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT