Ахада амца зкыз А.С.Пушкин ихьӡ зху Аҟəатəи 2-тәи ашкол даҭааит

Ахада амца зкыз А.С.Пушкин ихьӡ зху Аҟəатəи 2-тәи ашкол даҭааит

Лаҵарамза 2 рзы, ашьыжь асааҭ быжьба рзеиҧш, Аҧсны Аҳəынҭқарра Ахада Рауль Ҳаџьымба амца зкыз А.С.Пушкин ихьӡ зху Аҟəатəи 2-тәи ашкол даҭааит.

Аҷыдалкаатә ҭагылазаашьақәа рзы аминистр Лев Кəыҵниа Атəыла Ахада адырра ииҭеит амца арцəаразы имҩаҧырго аусурақəа ртəы.

Ари ахҭыс ахьыҟалаз аҭыҧ иара убас иаҭааит аҵареи аҭҵаарадырреи рминистр Адгəыр Какоба, Аҟəа ақалақь Администрациа ахада Адгəыр Ҳаразиа.

Лаҵарамза 2 рзы, асааҭ 06:40 рзы Аҷыдалкаатә ҭагылазаашьақәа рзы аминистрра ашҟа аҭел иасит Аҟəатəи 2-тәи ашкол амца акит ҳəа. Амцакра ҟалеит аҭуан аҿы. Амца арцəара иазкуп Аҟəа ақалақь, иара убас Аҟəа араиони атəыла егьырҭ араионқəеи иҷыдоу ртехника зегьы. Аҭыҧ аҿы аус руеит 12 амцарцəагатə машьынақəа, Аҷыдалкаатә ҭагылазаашьақәа рзы аминистр ахатəы еилазаара аҟынтə 130-ҩык аусзуҩцəа.

Ахыбраҟны абылра аанкылоуп, акласс уадақәа реиқәырхара алыршахеит.


Возврат к списку