Аҧсны Аҳәынҭқарра Ахада

 

Ахада аҧсны-урыстәылатәи адҵаҟаҵара-штабтә ҽазыҟаҵарақәа дырҭааит

26.04.2019

  Ахада аҧсны-урыстәылатәи адҵаҟаҵара-штабтә ҽазыҟаҵарақәа дырҭааит

Мшаҧымза 26 рзы Аҧсны Ахада Рауль Ҳаџьымба Аҧсны Аҳәынҭқарра Арбџьар мчқәа рыдҵаҟаҵара-штабтәи Урыстәылатәи Афедерациа 7-тәи арратә базеи рҽазыҟаҵарақәа дырҭааит.

Ҩ-ганктәи аҽазыҟаҵарақәа рзы акомандаҟаҵаҩцәеи аштабқәеи еижәлантәу ар ргәыҧқәа рыбжьара ахыхьчареи ажәылареи ирызку ахықәкы хада напхгараҭара азҵаарақәа рҽырзыҟарҵеит. Аусура мҩаҧган адҵаҟаҵаратә пунктқәа ҩба рыҟны. Аҽазыҟаҵарақәа раан аҕа иагрессиа аанкылара азҵаара, иара убас аиҿагыларақәа аибашьранҭыҵтәи ауснагӡатәқәа рыла рыӡбара рҽырзыҟарҵеит.

Аҳәынҭқарра Ахада аҽазыҟаҵарақәеи Аҧсни Урыстәылеи атәылахьчара аусхк аҟны русеицуреи ирымоу аҵак ду азгәеиҭеит.

«Арратә ҽазыҟаҵарақәа ҳара хымҧада имҩаҧаҳгалароуп. Адунеи аҽаҧсахуеит аҟнытә ашәарҭадара азҵаара есааира иуадаҩхоит. Ҳара Амшын еиқәа аҧшаҳәаҟны аҭагылазаашьа, Украинеи амшынеиқәа иаҧну аҳәынҭқаррақәа зегьи рыҟны имҩаҧысуа ҳасаб азаҳулароуп. Урыстәылатәи Афедерациеи ҳареи ҳаидгыланы иҳаӡбо, ҳусеицурала иҟалар зуа ашәарҭарақәа раҧырҟәҟәааразы ҳҳәынҭқарра ахьчара азҵаара аӡбара ишацхраауа агәра ганы сыҟоуп», - иҳәеит Ахада.

A65A3699.JPG

4.jpg


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT