Аҧсны Аҳәынҭқарра Ахада

 

XX ашә. алагамҭазтәи атрагедиатә хҭысқәа инарымаданы аерман жәлар рыдышшылара

24.04.2019

Мшаҧымза 24 рзы Аҧсны Аҳəынҭқарра Ахада Рауль  Ҳаџьымба  XX ашә. алагамҭазтәи атрагедиатә хҭысқәа инарымаданы аерман жәлар дрыдышшылеит.

Адышшылара атекст аҟны иҳәоуп: 

«Ҳаҭыр зқәу ҳџьынџьуаа! 

Хашҭра зқәым абри амш аҽны – мшаҧымза 24 рзы аерман жәлар зегьы гәалсрыла срыдышшылоит.

Иахьа ҳара лахьеиқәрала иаҳгәалаҳаршәоит ХХ ашәышықәсазы ацәгьоура хлымӡаахқәа ирылаӡыз ауаа. Адунеитә уаажәларразы ари хашҭшьа амамзароуп аҭоурых аҿы еиҭа ус еиҧш аҟалара алымшарц азы.

Ҷыдала иазгәасҭарц сҭахуп аиҭеира зылшаз, збызшәа, здин, зҵасқәа еиқәзырхаз аерман жәлар иаадырҧшыз ахачҳара. Иахьа жәҩахыр еибыҭарала ихьыҧшым аҧсуа ҳәынҭқарра аргылараҟны иҳадгылоуп, ҳтәыла аполитикатә, асоциалтә, аекономикатә ҧсҭазаара иалахәуп .

Иҟазааит наунагӡа Аҧсны аҭынчра, аизҳазыҕьара».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT