Аҧсны Аҳәынҭқарра Ахада

 

Ахада Хабарда ибжьаӡыз рызҵаарақәа рзы акомиссиеи Аџьар Ҟаҧшь Жәларбжьаратәи аилаки рсура аҳәаақәа ирҭагӡаны зхаҭара шьақәыргылаз Аҧсны Аџьынџьтәылатә еибашьра иалахәыз аибашьцәа рыҧсыбаҩ анышә амадара иазкыз ацеремониа даҭааит

31.03.2019

Ахада Хабарда ибжьаӡыз рызҵаарақәа рзы акомиссиеи Аџьар Ҟаҧшь Жәларбжьаратәи аилаки рсура аҳәаақәа ирҭагӡаны зхаҭара шьақәыргылаз Аҧсны Аџьынџьтәылатә еибашьра иалахәыз  аибашьцәа рыҧсыбаҩ анышә амадара иазкыз ацеремониа даҭааит

Хәажәкырамза 30 рзы Аҧсны Аҳәынҭқарра Ахада Рауль Ҳаџьымба Хабарда ибжьаӡыз рызҵаарақәа рзы акомиссиеи Аџьар Ҟаҧшь Жәларбжьаратәи аилаки рсура аҳәаақәа ирҭагӡаны 1992-1993ш.ш. рзы Аҧсны Аџьынџьтәылатә еибашьраҟны иҭахаз зхаҭара шьақәыргылаз аибашьцәа рыҧсыбаҩ анышә амадара иазкыз ацеремониа даҭааит

Рхаҭарақәа шьақәыргылан Хамитов Аҳмед Магомед-иҧеи Ҵәыџьба Рауль Канта-иҧеи.
Аҳмед Хамитов хатәгәаҧхарала еибашьуаз дреиуан, агәыҧ " Горец" далахәын. 1994 шықәсазы Аҧсны Аҳәынҭқарра Ахада Владислав Арӡынба Иусҧҟала ианашьоуп "Аҧсны Афырхаҵа" ҳәа ахьӡ ҳаракы.
Аҳмед Хамитов дҭахеит 1993 шықәсазы Аҳбҩы ашьхаҿы адесант атәара аҽаназнашәоз аамҭазы.
Рауль Ҵәыџьба деибашьуан Мрагыларатәи афронт ахҧатәи аполк ахҧатәи абаталион "Ҧақәашь" аҟны. Дҭахеит 1993 шықәса рзы Марыхәтәи ахыҵырҭаҿы авертолиот анкаҳа. Рауль Ҵәыџьба ианашьоуп "Агәымшәаразы амедал" данҭаха ашьҭахь.
Официалтә церемониа мҩаҧысит Ахьӡ-Аҧша апарк аҟны. Рауль Ҵәыџьба иҧсыбаҩ анышә иамардеит Очамчыра араион Ҧақәашь ақыҭан. Аҳмед Хамитов иҧсыбаҩ анышә иамардоит Чечентәылатәи Ареспублика иқыҭа гәакьаҿы.

475AB8D9-2A7F-46B0-8918-3D03BC0D623C.jpeg


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT