Аҧсны Аҳәынҭқарра Ахада

 

Ахада Беслан Агрба ииубилеи идиныҳәалеит

25.03.2019

 

Хәажәкырамза 24 рзы Аҧсны Аҳәынҭқарра Ахада Рауль Ҳаџьымба Арегионалтә уаажәларратә еиҿкаара «Москватәи Аҧсуа Диаспора» анапхгара ахантәаҩы Беслан Агрба ииубилеи идиныҳәалеит.

Адныҳәалараҟны, ҷыдала, иҳәоуп:

«Ҳаҭыр зқәу Беслан Родион-иҧа!

Ишәыдысныҳәалоит шәиубилеитә рыцхә.

Москватәи Аҧсуа Диаспора алшарақәа реидкылара иазку Шәара шәусура ахә ҳаракны иршьоит ҳреспубликаҟнеиҧш, уи анҭыҵгьы.

Сара агәра згоит Шәара шәгәамчи Москва иҟоу ҳдиаспореи ҳ-Аҧсадгьыли реимадаразы инеиҧынкыланы имҩаҧыжәго аусура есааира амҽхак шыҭбаахо, ишыҕәҕәахо.. 

Беслан Родион-иҧа, гәык-ҧсыкала ишәзеиҕьасшьоит агәабзиара, анасыҧ, ҳаҧсадгьыли ҳџьынџьуааи реизҳазыҕьара иазку шәусураҟны аихьӡарақәа».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT