Аҧсны Аҳәынҭқарра Ахада

 

Вадим Красносельски Рауль Ҳаџьымба Имшира идиныҳәалеит

21.03.2019

Хәажәкырамза 21 рзы Аҧсны Аҳәынҭқарра Ахада Рауль Ҳаџьымба  Имшира идиныҳәалеит ПриднестровиатәиМолдавиатәи Ареспублика АхадаВадим Красносельски.

Адныҳәалараҟны, ҷыдала, иҳәоуп:

«Зус иазҟазоу, аҳәынҭқарра аусзуҩы иаша, амчха ҕәҕәа змоу, аналитикатә хәыцреи, аҧсҭазааратә ҟәыҕареи, азыҟаҵара дуи, гәык-ҧсыкала аус азнеиреи еилазыгӡо, Шәара  қәҿиарала Аҧсны аиҭакра бзиақәа ралыршаразы ареформақәа жәпакы рынагӡара шәацхраауеит.

Агәра згоит Шәара шәҧышәа дуи шәгәамчи шәҳәынҭқарра асоциалтә-економикатә лшара аҿиареи арҕәҕәареи ишазышәкуа.  

Аҭагылазаашьа схы иархәаны, аҧхьаҟагьы ҳусеицуреи ҳҳәынҭқаррақәа жәларбжьаратәи рпозициақәа рырҕәҕәареи шалыршахо агәра шызго сҳәар сҭахуп.

Ҳаҭыр зқәу Рауль Џьумка-иҧа, гәык-ҧсыкала ишәзеиҕьасшьоит агәабзиара, агәамч, шәыгәҭакқәа рынагӡара, ишәзааигәоу шәҭынхацәа нашәыдкыланы абзиарақәа, ахиррақәа».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT