Ахада Сергеи Лавров Имшира идиныҳәалеит

Хәажәкырамза 21  рзы Аҧсны Аҳәынҭқарра Ахада Рауль Ҳаџьымба Урыстәылатәи Афедерациа Адәныҟатәи аусқәа рминистр Сергеи Лавров Имшира идиныҳәалеит

Адныҳәалараҟны, ҷыдала, иҳәоуп:

«Апрофессионализм ду, ҭакҧхықәрала, ааҧсарада аусура, гәык-ҧсыкала аус азнеира Урыстәылатәи Афедерациаҟны зхыҧша дуу ҳәынҭқарратә усзуҩны шәыхьӡ рҳәо шәҟарҵеит. Иахьа жәларбжьаратәи аполитикатә ҭагылазаашьа анҭышәынтәалам аамҭазы Урыстәыла Адәныҟатәи аусқәа рминистрра имариам адәныҟаполитикатә ҳасабтәқәа аӡбоит.

Аҧсны анапхгареи ажәлари ҳаҭыр дула ишәзыҟоуп, иҭабуп ҳәагьы шәарҳәоит Аҧсны Аҳәынҭқарра жәларбжьаратәи азхаҵара ауси аҧсны-урыстәылатәи аизыҟазаашьақәа рырҕәҕәареи рус аҟны хаҭала Шәара шәлагаламҭазы.

Ҳаҭыр зқәу Сергеи Виктор-иҧа, азин сышәҭозар, абри амш аҽны ишәзеиҕьасшьоит агәабзиара, ақәра ду, аихьӡарақәа шәыҧсадгьыл ахьӡала имҩаҧыжәго акрызҵазкуа, аҭакҧхықәра ду зцу шәусураҟны».


Возврат к списку