Аҧсны Аҳәынҭқарра Ахада

 

Ахада апрофессор, академик, Аҧсны Аҭҵаарадыррақәа Ракадемиа актәи Апрезидент Шьоҭа Арсҭаа дидикылеит

12.03.2019

Ахада апрофессор, академик, Аҧсны Аҭҵаарадыррақәа Ракадемиа актәи Апрезидент Шьоҭа Арсҭаа дидикылеит

Хәажәкырамза 12 рзы Аҧсны Аҳәынҭқарра Ахада Рауль Ҳаџьымба афилологиатә ҭҵаарадыррақәа рдоктор, апрофессор, академик, Аҧсны Аҭҵаарадыррақәа Ракадемиа актәи Апрезидент Шьоҭа Арсҭаа дидикылеит 90 шықәса ихыҵра инамаданы.

Аҳәынҭқарра Ахада Шьоҭа Арсҭаа ииубилеи идиныҳәалеит, иазгәеиҭеит аҳәынҭқарра арҿиараҟны илагаламҭа ду.

«Ишәыдысныҳәалоит шәиубилеитә рыцхә. Шәара Аҧсны азы шәџьабаа рацәоуп. Ҳҳәынҭқарратә бызшәа аҿиараҟны шәлагаламҭа дуӡӡоуп. Аҧсны Аҳәынҭқарра Актәи Ахада Иусҧҟала Шәара шәоуп напхгара азызуыз ҿыцны иаҧҵаз Аҧсны Аҭҵаарадыррақәа Ракадемиа. Сгәы иаанагоит ҳажәлар ибзиаӡаны ирдыруеит ҳәа Шәара шәызнысыз амҩа. Ишәзеиҕьасшьоит зегь раԥхьаӡа инаргыланы, агәабзиара, агәамч. Шәаԥхьаҟа ишьҭоу иҵегьы аусқәа рацәоуп, акыраамҭа шәҳагымзааит», - иҳәеит Ахада.

Шьоҭа Арсҭаа аҳәынҭқарра Ахада иҭабуп ҳәа иеиҳәеит, иаргьы Аҧсны жәларгьы ирзеиҕьеишьеит агәабзиара, аизҳазыҕьара.

  322.jpg




Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT