Аҧсны Аҳәынҭқарра Ахада

 

Ахада Едуард Кокоиты дидикылеит

04.03.2019

Ахада Едуард Кокоиты дидикылеит

Хәажәкырамза 4 рзы Аҧсны Аҳәынҭқарра Ахада Рауль Ҳаџьымбеи Алада Уаҧстәыла Ареспублика аҩбатәи Ахадеи еиҧылеит.  


Едуард Кокоиты Аҧсны Аҳәынҭқарра даҭааит Аҧсны Аҳәынҭқарра аҩбатәи Ахада Сергеи Багаҧшь диижьҭеи хынҩажәижәаба шықәса аҵра иазку аусмҩаҧгатәқәа рыҽрылархәразы.  

Рауль Ҳаџьымба Едуард Кокоиты аҧсшәа иеиҳәеит:

«Гәыкала бзиала шәаабеит ҳәа шәасҳәоит Аҧсны. Ҳара ҳажәларқәа реизыҟазаашьа аҭоурых ду рымоуп. Иуадаҩыз аамҭақәа раан Аҧсни Алада Уаҧстәылеи ҳәынҭқаррақәак раҳасабала ишьақәгыларц азы иҟаҵоу маҷӡам. Аҧсны Шәара шәбара есқьынгьы ҳаигәырҕьоит. Иҭабуп ҳәа шәасҳәоит аамҭа ҧшааны шәахьааз».

Едуард Кокоиты иаҵшьны иҳәеит аиашьара рзызуа Аҧсны Аҳәынҭқарраҟны иҟазаара шгәахәара дуу:

«Гәахәароуп сара сзы Аҧсны аҟазаара. Исгәалашәоит Шәареи сареи ҳаиқәшәара, ҧаса иалыршаз ашьақәырҕәҕәаразы иҟашәҵаз ашьаҿақәа. Ҳәарада, ҳаигәырҕьоит Аҧсны иҟалаз аиҭакрақәа, ҳреигәырҕьоит ишәымоу аихьӡарақәа». 

Аиҧылараан иазгәаҭан, Актәи Ахада Владислав Арӡынба игәалашәара амши Аҩбатәи Ахада Сергеи Багаҧшь имширеи рымш  – хәажәкырамза 4 Аҧсназы акрызҵазкуа рыцхәны ишыҟоу. 
 
«Владислав Арӡынбеи Сергеи Багаҧшьи – Аҧсны мацара акәӡам, урҭ Алада Уаҧстәыла ажәларгьы ирзааигәоу уаауп. Гәахәараны исыдыскылоит арҭ аусмҩаҧгатәқәа рыҽрылархәра, урҭ ргәалашәара хашҭра ақәымкәа абиҧара ҿыцқәа иахьрызнажәго», - иҳәеит Едуард Кокоиты.
2.jpg


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT