Аҧсны Аҳәынҭқарра Ахада

 

Ахада Аҧсны Аџьынџьтәылатә еибашьра Аинвалидцәа рассоциациа алархәны аилацәажәара мҩаҧигеит

31.01.2019

Ажьырныҳәамза 31 рзы Аҧсны Аҳəынҭқарра Ахада Рауль Ҳаџьымба 1992-1993 шш. Аҧсны Аџьынџьтәылатә еибашьра Аинвалидцәа рассоциациа алархәны аилацәажәара мҩаҧигеит.

Ассоциациа алахәцәа аҭыҧантәи аспециалистцәа апротезҟаҵаразы атехнологиа ҿыцқәа рырҵара азҵаара ықәдыргылеит.

Ахада идҵала Агәабзиарахьчара аминистрра хара имгакәа, иаҭаху аспециалистцәа раагара еиҿнакаараны иҟоуп.

Иара убас аилацәажәараҟны ишьҭыхын имцырку адокументқәеи аршаҳаҭгатә рбагақәеи рыла атәылауаа аибашьра аинвалидцәа ртәанчахәқәа риура азҵаара.

Ассоциациа аинвалидцәа аҳәынҭқарра Ахадеи аинвалидцәа рызҵаарақәа рзы акомиссиеи рышҟа аҳәара ҟарҵеит аҧхьаҟа абас еиҧш ахҭысқәа раҧырҟәҟәааразы имҩаҧгатәу ауснагӡатәқәа аздырхиарц азы.

Ахада иаҵшьны иҳәеит агәыҩбара узҭо аматериалқәа зегьы Апрокуратура хада игәанаҭараны ишыҟоу.

Иара убас аилацәажәараан ишьҭыхын Аҧсны Аџьынџьтәылатә еибашьра аинвалидцәа рррегионтә еиҿкаарақәа финансла ацхыраара рыҭареи араионтә иҷыдоу аптекақәа хыҧхьаӡара рацәала хәышәла реиқәыршәареи рызҵаара.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT