Аҧсны Аҳәынҭқарра Ахада

 

Ахада Аԥсны Аҳәынҭқарра акваториаҿы ҳазҭагылоу аамҭазы аԥсыӡкра амҩаҧгара иадҳәалоу азҵаарақәа ирызкны аиԥылара мҩаԥигеит

28.01.2019

Ажьырныҳәамза 28 рзы Аԥсны Аҳәынҭқарра Ахада Рауль Ҳаџьымба Аԥсны Аҳәынҭқарра акваториаҿы аԥсыӡкра аамҭа иадҳәалоу азҵаарақәа ирызкны аиԥылара мҩаԥигеит.

Аҳәынҭқарра Ахада азҵаара ықәиргылеит аԥсыӡкра иадҳәалоу аҧҟарақәа рықәныҟәара еиҳа ӷәӷәала хылаҧшра рыҭаразы. Убри инамаданы, Ақыҭанхамҩа аминистрреи Аԥсабара ахьчареи аекологиеи рзы аилаки рнапы ианҵоуп амшын иҭырго аҧсыӡ иҟоу амҽхакҵәҟьа аилкааразы аҧсыӡкра апроцесс излауала аргамара алыршара иазку ауснагӡатәқәа рымҩаҧагаразы .

Аҳәынҭқарратә шәарҭадара амаҵзура ахәаахьчаратә архәҭа иадҵоуп аԥсыӡкра знапы алаку анаплакқәа рганахьала ишьақәыргылоу аԥҟарақәа рықәныҟәара хылаԥшра аҭара иазку аусмҩаҧгатәқәа рынагӡара, иара убас аԥсыӡкра аԥҟарақәа еилазго ирыхәҭоу рақәыршәара, Аԥсны Аҳәынҭқарра ралцара аҟынӡа.

Ахада иара убас Аҳәынҭқарратә ҳазалхратә еилакы иадиҵеит  аилак аганахьала аԥсыӡ аалыҵ аекспорт хылаԥшра ӷәӷәа аҭара.



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT