Аҧсны Аҳәынҭқарра Ахада

 

Ахада аҧсуа литература ашьаҭаркҩы, Аҧсны Жәлар рпоет Дырмит Иосиф-иҧа Гәлиа диижьҭеи 145 шықәса аҵра, насгьы аҧсуа газеҭ «Аҧсны» актәи аномер ҭыҵижьҭеи 100 шықәса аҵра инамаданы Аҳәынҭқарратә комиссиа аҧҵаразы Адҵа инапы аҵаиҩит

25.01.2019

Ажьырныҳəа 24 рзы Аҧсны Аҳәынҭқарра Ахада Рауль Ҳаџьымба аҧсуа литература ашьаҭаркҩы, иналукааша апоет, апрозаик, адраматург, аҭоурыхҭҵааҩ, ауаажәларратә усзуҩы, Аҧсны Жәлар рпоет Дырмит Иосиф-иҧа Гәлиа диижьҭеи 145 шықәса аҵра, насгьы аҧсуа газеҭ «Аҧсны» актәи аномер ҭыҵижьҭеи 100 шықәса аҵра инамаданы Аҳәынҭқарратә комиссиа аҧҵаразы Адҵа инапы аҵаиҩит.

Адҵа атекст аҟны иҳәоуп:

Аҧсуа литература ашьаҭаркҩы, иналукааша апоет, апрозаик, адраматург, аҭоурыхҭҵааҩ, ауаажәларратә усзуҩы, Аҧсны Жәлар рпоет Дырмит Иосиф-иҧа Гәлиа диижьҭеи 145 шықәса аҵра, насгьы аҧсуа газеҭ «Аҧсны» актәи аномер ҭыҵижьҭеи 100 шықәса  аҵра инамаданы:

1. Иаҧҵазааит Аҳәынҭқарратә комиссиа, уи аилазаара иалаҵазааит:

Аршба Д.Џь.        – Аҧсны Аҧыза-министр актәи ихаҭыҧуаҩ 

                             - ахантәаҩы;

Занҭариа В.К.      – Аҧсны Аҳәынҭқарра Ахада иабжьгаҩ 

                             - ахантәаҩы ихаҭыҧуаҩ;

Арсалиа Е.А.        – Аҧсны акультуреи аҭоурыхтә-культуратә ҭынха ахьчареи рминистр;

Аҧҳазоу В.В.       – Аҧсны ашәҟәыҩҩцәа Реидгыла ахантәаҩы;

Ашәба А.Е.           – Д.И. Гәлиа ихьӡ зхыу Аҧсуаҭҵааратә институт адиректор;

Аҩӡба У.Ш.          – аҭҵаарадырратә центр «Аҧсуа енциклопедиа» адиректор;

Ажьиба Е.В.         – агазеҭ «Аҧсны» аредактор хада;

Аҳашҧҳа И.Н.     – агазеҭ «Амцабз» аредактор хада;

Џьапуа З.Џь.       – Аҧсны аҭҵаарадыррақәа Ракадемиа Апрезидент;

Какоба А.П.         – Аҧсны аҵареи аҭҵаарадырреи рминистр;

Қорсаиа С.В.        – Д.И. Гәлиа илитературатә-мемориалтә Ҩны-музеи адиректор;

Лашәриа М.Т.      – Аҧсны ашәҟәыҩҩцәа Рассоциациа ахантәаҩы;

Лагәлаа А.И.        – ажурнал «Алашара» аредактор хада;

Наҷҟьебиа Д.К.     – Аҧснытәи аҳәынҭқарратә шәҟәҭыжьырҭа адиректор;

Ҳагәышь Б.А.       – Аҳәынҭқарратә бызшәатә политиказы Аилак хантәаҩы;

Ҳашыг Р.М.          – Аҧсны ажурналистцәа Реидгыла ахантәаҩы;

Ҷкотуа О.Б.          – ашәҟәыҩҩы, аиҭагаҩ.

2. Ҩымчыбжьа рыҩныҵҟа Аҳәынҭқарратә комиссиа иазнархиароуп Д.И. Гәлиа диижьҭеи 145-шықәсхыҵра, насгьы агазеҭ «Аҧсны» актәи аномер ҭыҵижьҭеи 100 шықәса аҵра иазку аиубилеитә усмҩаҧгатәқәа рыплан».

 

 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT