Аҧсны Аҳәынҭқарра Ахада

 

Ахада Урыстәылатәи Афедерациахь иусуратә ныҟәара хыркәшоуп

23.12.2018

Ҧхынҷкəынмза 23 рзы Аҧсны Аҳəынҭқарра Ахада Рауль Ҳаџьымба Аҧсныҟа дхынҳəит Урыстәылатәи Афедерациахь иусуратә ныҟәара хыркәшаны.

Ахада Москва ақалақь аҿы аусуратә еиҧыларақəа жəпакы мҩаҧигеит, иара убас К.С. Станиславкии В.И. Немирович-Данченкои рыхьӡ зху Москватəи академиатə амузыкатə театр анапхгара ааҧхьарала аныҳəатə усмҩаҧгатə даҭааит. Аиубилеитə ныҳəа лхы алалырхəит Аҧсни Урыстәылеи Жəлар рартист, «Ахьӡ-Аҧша»  аорден актəи аҩаӡара занашьоу Хьыбла Герзмава.

Аҳəынҭқарра Ахада К.С. Станиславки В.И. Немирович-Данченкои рыхьӡ зху Москватəи академиатə амузыкатə театр адиректор хада Антон Гетьман аиубилеитә рыцхә идиныҳəалеит:

Адныҳәаларҟны, ҷыдала, иҳәоуп:

«Атеатр арҿиаратə коллектив хьӡы-ҧшала ашьақәгылареи профессионалла аизҳареи рымҩа ианысит. Адунеитə театртә мазараҿы иаҧсоу алагала аҟаҵарагьы иаҿуп.

Ҳара ҳазыгəдууп еицырдыруа Москватəи атеатр аҟны аус ахьылуа иналукааша аопертə шəаҳəаҩы, Аҧсни Урыстəылеи Жәлар рартист Хьыбла Герзмава. Абрантә ашьаҭа акит лара лырҿиаратə ҧсҭазаара дуи адунеитə сценахь лцəырҵреи».




Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org