Аҧсны Аҳәынҭқарра Ахада

 

Витали Мутко ииубилеи идныҳәалара

08.12.2018

Ҧхынҷкәынмза 8 рзы Аҧсны Аҳәынҭқарра Ахада Рауль Ҳаџьымба Урыстәылатәи Афедерациа Аиҳабыра Ахантәаҩы ихаҭыҧуаҩ Витали Мутко ииубилеи идиныҳәалеит.

Адныҳәалараҟны, ҷыдала, иҳәоуп:

«Ҳаҭыр зқәу Витали Леонти-иҧа!

Гәык-ҧсыкала ишәыдысныҳәалоит шәиубилеитә рыцхә.  

Аҧсны Аҳәынҭқарраҟны Шәара ҳаҭыр дула ишәзыҟоуп. Шәырдыруеит иналукааша аҳәынҭқарратәи ауаажәларратәи усзуҩы, апатриот иаша иаҳасабала. Еиуеиҧшым анапхгаратә маҵзурақәа рыҟны Шәара зус ҭакҧхықәра дула иазыҟоу уаҩык иаҳасабала шәхы аашәырҧшит.  

Аҧсны Аҳәынҭқарра асоциалтә-економикатә ҿиара ацхрааразы Аҧсны Аҳәынҭқарреи Урыстәылатәи Афедерациеи рзеиҧш Еиҳабырабжьаратә комиссиа аҳәаақәа ирҭагӡаны ҳтәыла иқәынхо ауааҧсыра рзы ҳаҧхьаҟа иҵегьы хәарҭара злоу аус дуқәа шьҭоуп. Сгәы иаанагоит аринахысгьы ҳтәылақәа ирыбжьоу ҩ-ганктәи аусеицура иацҵаны ашьақәырҕәҕәара ҳалшоит ҳәа. 

Ҳаҭыр зқәу Витали Леонти-иҧа, ишәзеиҕьасшьар сҭахуп агәабзиара, агәамч, аҭакҧхықәра зцу шәмаҵураҟны аихьӡара ҿыцқәа».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT