Аҧсны Аҳәынҭқарра Ахада

 

Беслан Барцыц Шьамтәылатәи Арабтə Республика Адəныҟатəи аусқəа рминистр Уалид аль-Муаллем диҧылеит.

07.08.2018

Нанҳəамза 7 рзы  Аҧсны Аҳəынҭқарра Ахада Иусбарҭа Анапхгаҩы Беслан Барцыц Шьамтәылатәи Арабтə Республика Адəныҟатəи аусқəа рминистр Уалид аль-Муаллем диҧылеит.

Аганқəа Аҧсны Аҳəынҭқарра Ахада Рауль Ҳаџьымба иофицалтə визит аҽазыҟаҵара иазкыз азҵаарақəа жәпакы ирылацәажәеит. Аиҧылараҿы иара убас иалацәажәан ҩ-ганктəи аиқəшаҳаҭра анапаҵаҩра азырхиара азҵаара.

Беслан Барцыц усуратə визитла дыҟоуп Шьамтәылатәи Арабтə Республикаҿы. Аделегациа иалахәуп Адəныҟатəи аусқəа рминистр Даур Ақаҩба, Адəныҟатəи аусқəа рминистр ихаҭыҧуаҩ Иракли Ҭыжəба.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT