Аҧсны Аҳәынҭқарра Ахада

 

Витали Габниа Ҟарачы-Черқьестәи Ареспубликаҟны Владислав Арӡынба ихьӡ зху ашкол аартра далахәын

01.09.2017

IMG_4039-01-09-17-04-17.JPGЦәыббрамза 1 азы Ҟарачы-Черқьестәи Ареспублика Абаза араион Кара-Паго ақытаҟны Владислав Арӡынба ихьӡ зху азеиҧшдырратә школ аартын.

Аартра ацеремониа далахәын Аҧсны Аҳәынҭқарра Ахада ихаҭыҧуаҩ Витали Габниа.

«Акыраамҭа иззыҧшыз ашкол аартра иара усгьы хҭысуп, избан акәзар ҳара ҳхәыҷқәа ираҳҭараны иҟоу иреиҕьу ауп - адырра, аҵараиура бзиа, ари еиҧш амал змоу ауаҩы аҧсҭазаараҿы ихатә ҭыҧ иҧшаауеит, аихьӡара змоу уаҩхоит. Ари иаанаго ҳреспубликақәа ҧеиҧш бзиа рымоуп ҳәоуп», - иҳәеит Витали Габниа.

Уи иҭабуп ҳәа иеиҳәеит Ҟарачы-Черқьестәи Ареспублика Ахада Рашид Темрезов ашкол Аҧсны Аҳәынҭқарра Актәи Ахада Владислав Арӡынба ихьӡ ахҵаразы идикылаз аӡбамҭазы.

«Аҧсны жәлар рзы ари амш акраҵанакуеит, избан акәзар ашкол ҳтоурых ҿыц иасимволны иҟоу Владислав Арӡынба - Аҧсны Аҳәынҭқарра Актәи Ахада ихьӡ ахҵоуп. Аҧсуааи абазақәеи Кавказтәи ашьха иеиҟәнашаз иаку жәларыкны излаҟоу ала, ари символра азнауеит асимволқәа ахьҳамоу, урҭ ҳзеиҧшны иахьыҟалогьы», - иациҵеит Ахада ихаҭыҧуаҩ.

Витали Габниа Аҧсны жәлар рыхьӡала Ҟарачы-Черқьестәыла арҵаҩцәеи аҵаҩцәеи ирдыиныҳәалеит Адырра амш, ирзеиҕьеишьеит раҧхьаҟа аихьӡарақәа.

Аҧсны Аҳәынҭқарра Ахада ихаҭыҧуаҩ Витали Габниа Ҟарачы-Черқьестәи Ареспубликаҟны ивизит аан Ҟарачы-Черқьестәи Ареспублика Ахада Рашид Темрезови иареи еиҧылеит, иара убас 1941-1945 шш. Аџьынџьтәылатә еибашьра дуӡӡаҟны иҭахаз рбаҟа амҵан ашәҭқәа шьҭеиҵеит.IMG_4040-01-09-17-04-17.JPG  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT