Аҧсны Аҳәынҭқарра Ахада

 

Ахада Иусбарҭа Аексперттә напхгара аиҳабы Аслан Барцыци анаплакҩы Аравамутанг Чакрапани реиҧылара

12.06.2017

Ахада Иусбарҭа Аексперттә напхгара аиҳабы Аслан Барцыци анаплакҩы Аравамутанг Чакрапани реиҧылара

Рашәара 8-11 рзы Аҧсны Аҳәынҭқарра иаҭааз анаплакҩы Аравамутанг Чакрапани диҧылеит Аҧсны Аҳәынҭқарра Ахада Иусбарҭа Аексперттә напхгара аиҳабы Аслан Барцыц.

Аслан Барцыци Аравамутанг Чакрапани реиҧылараан хазхаҭалатәи аинвестициақәа, аҳәынҭқарра-хазхаҭалатәи усеицура, ҳтәылаҟны азеиҧш инвестициатә ҭагылазаашьа ирыдҳәалаз азҵаарақәа рзы ргәаанагарақәа еибырҳәеит.

Анаплакҩы иара убасгьы Очамчыра араион аҟны иҟоу акартош ааӡарҭақәа дырҭааит. Аравамутанг Чакрапани инаҵшьны иазгәеиҭеит иибаз анаплакқәа лҵшәа бзиала Аҧсны инагӡоу хазхаҭалатәи аинвестициатә проектқәа ишреиуоу.

Очамчыра араион акартош дәқәа рҟны иаадрыхыз аалыҵ Аҧсны Аҳәынҭқарраҿы иҟоу ахәаахәҭратә ҭыҧқәа жәпакы рҟны ирҭиуеит. Аҵыхәтәантәи ҩымш рзы Аҧсны зегьы ахьынӡанаӡааӡо акартош ахә 80 мааҭ рҟынтәи 40 рҟынӡа илаҟәит.

IMG_5797.JPG


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT