Аҧсны Аҳәынҭқарра Ахада

 

Иаҧҵоуп «Аҧсны Аҳәынҭқарра анормативтә зинтә актқәа рзы» Аҧсны Аҳәынҭқарра Азакәан апроект азырхиаразы Аусуратә гәыҧ

13.11.2015

Анормативтә-зинтә актқәа разырхиара, реиқәыршәара, рыдкылара (рҭыжьра), ркьыҧхьра, русура, системала реиҿкаара азеиҧш ҧҟара шьақәзыргыло Азакәан апроект аус адулара хықәкыс иҟаҵаны, Ахада Рауль Ҳаџьымба инапы аҵаиҩит Ахада Иусбарҭа Анапхгаҩы актәи ихаҭыҧуаҩы Дмитри Шамба напхгара зиҭо «Аҧсны Аҳәынҭқарра анормативтә зинтә актқәа рзы» Аҧсны Аҳәынҭқарра Азакәан апроект азырхиаразы Аусуратә гәыҧ аҧҵаразы адҵа.

Аусуратә гәыҧ аилазаара иалоуп:

Агрба В.В. – Азинтә политикеи, аҳәынҭқарратә ргылареи, ауаҩы изинқәеи рзы Жәлар Реизара Аилак ахантәаҩы;

Ҧлиаҧҳа М.Ш. – Аиустициа аминистр;

Бебиа А.О. – Жәлар Реизара аппарат азинтәи аналитикатәи ҟәша ареферент еиҳабы;

Быҭәба С.Р. – ААУ азиндырратә факультет арҵаҩы еиҳабы;

Габеева З.Г. – Жәлар Реизара Аиҳабы азинтә зҵаарақәа рзы абжьагаҩ хада;

Ломиаҧҳа Н.Р. – Ахада Иусбарҭа зинла аиқәыршәаразы аҟәша аиҳабы.

Аусуратә гәыҧ иадҵоуп «Аҧсны Аҳәынҭқарра анормативтә зинтә актқәа рзы» Аҧсны Аҳәынҭқарра Азакәан апроект ацәыргара 2016 шықәса ажьырныҳәа 15-нӡа.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT